საქართველოს სახალხო დამცველი ეხმიანება საოკუპაციო რეჟიმის მიერ დაკავებული ექიმის ვაჟა გაფრინდაშვილისთვის პატიმრობის შეფარდებას. ნინო ლომჯარია მიზანშეწონილად მიიჩნევს, მოხდეს აქტიური კომუნიკაცია სხვადასხვა საერთაშორისო ორგანიზაციებთან და გამოყენებული იქნას ყველა სესაძლებლობა, რომ ექიმი ვაჟა გაფრინდაშვილი ჯანმრთელი და უვნებელი დაგვიბრუნდეს.
“როგორც ჩანს ხელისუფლებამ გააკეთა აქცენტი იმაზე, რომ ეს დიალოგისა და მოლაპარაკების თუ სხვადასხბა კონტაქტის რეჟიმში გადასულიყო, ფაქტია, რომ არანაირი დიალოგი აქ არ მუშაობს. მივიღეთ ის შედეგი, რაც გვაქვს. იმედს ვიტოვებ, რომ არაფერი დამთავრებული არაა და რა თქმა უნდა იმედს ვიტოვებ, რომ ჩვენ მივაღწევთ საერთაშორისო ზეწოლის ხარჯზე ვაჟა ექიმი დაგვიბრუნდება ჯანმრთელი და უვნებელი.
მე, როგორც სახალხო დამცველი, ვაპირებ დამატებით, ასევე, მივმართო სხვადასხვა საერთაშორისო ორგანიზაციებს, მოვიპოვო უფრო მეტი ინფორმაცია, თუ დამატებით რა მექანიზმების გამოყენება შეიძლება,” – განაცხადა ნინო ლომჯარიამ.
ცნიბისათვის: საოკუპაციო რეჟიმმა ცხინვალში გამართული სასამათრთლოს გადაწყვეტილებით 1 წლითა და 9 თვით თავისუფლების აღკვეთა მიუსაჯა.
