სოციალურ ქსელში გამოქვეყნებული პოსტი, მწვავე ნეგატიურ შეფასებებს აკეთებს, პროფესორი დოდონა კიზირია, არაერთგვაროვანი შეფასებებით გამორჩეულ ნანა ჯანელიძის ფილმს “იარე ლიზა”:
“როგორც იქნა, ვნახე “იარე, ლიზა”. კინოხელოვნების თვალსაზრისით ეს არის სრულიად უსუსური, რომ არა ვთქვა, უბადრუკი ფილმი.
რაც შეეხება მის საერთო მიმართებასა და დეკლარირებებს, ჩემთვის ყველაზე შეურაცხმყოფელი, ცილისმწამებლური და სამარცხვინო ფრაზა იყო – “აფხაზები სამშობლოსთვის იბრძვიან, ჩვენ კი ტერიტორიებისათვის“. ამას ამბობს ქართველი, მთავარი მოქმედი პირის მამა.
მაშ, ჩვენ ისევე ვიქცევით, როგორც რუსეთი. აფხაზეთი საქართველოს მიწა-წყალი კი არ არის, არამედ ტერიტორია, რომელიც გვსურს დავიპყრათ. არ გამიკვირდება, თუ პუტინი სპეციალურ პრიზს გადასცემს ამ ფილმის შემქმნელებს, ისევე, როგორც ერთ დროს ბედუკაძეს გადასცა საქართველოში პუტინის პროგრამის განხორციელებაში შეტანილი დიდი წვლილისთვის“, – წერს ფეისბუქის პირად გვერდზე დოდონა კიზირია.
