“სრულებით გაუგებარია ოპოზიციური, რადიკალური პარტიების წარმომადგენლებისა თუ მათი მხარდამჭერების მხრიდან, ვიქტორ ორბანის კრიტიკა” – ნინო წილოსანი

აგრარულ საკითხთა კომიტეტის თავმჯდომარე, ნინო წილოსანი ჟურნალისტებთან კომენტარს აკეთებს უნგრეთის პრემიერ-მინისტრის, ვიქტორ ორბანის თბილისში ვიზიტზე, გაკეთებულ განცხადებებსა და მის მიმართ გამოხატულ დამოკიდებულებაზე:

,,სწორედ ასეთი მხარდაჭერა გვჭირდება ევროკავშირის, ჩვენი მეგობარი ქვეყნებისგან, როგორც ახლა უნგრეთის მხრიდან და ვიქტორ ორბანისგან ვხედავთ. ის მკაფიო და ერთმნიშვნელოვანი განცხადებები საქართველოსთვის კანდიდატის სტატუსის მინიჭებასთან დაკავშირებით, რა თქმა უნდა, მხოლოდ და მხოლოდ ქვეყანას ეხმარება.

ამიტომ სრულებით გაუგებარია ოპოზიციური, რადიკალური პარტიების წარმომადგენლებისა თუ მათი მხარდამჭერების მხრიდან ვიქტორ ორბანის კრიტიკა, მათ შორის თავდასხმები – მისი მართვის მოდელი იქნება თუ სხვადასხვა საკითხთან დაკავშირებით“, – განაცხადა ნინო წილოსანმა.

ავტორი
ნინი ხიჯაკაძე