“თავის დროზე მიხეილ სააკაშვილი ორბანთან ახლო ურთიერთობით და მეგობრობით ამაყობდა, დღეს ღარიბაშვილი ამაყობს” – ანა ბუჩუკური

უნგრეთის პრემიერ-მინისტრის, ვიქტორ ორბანის საქართველოში ვიზიტთან და მის მიმართ წინა და მოქმედი ხელისუფლების ლიდერების დამოკიდებულებასთან დაკავშირებით ჟურნალისტებთან კომენტარს აკეთებს საპარლამენტო პოლიტიკური ჯგუფის ,,საქართველოსთვის” წევრი, ანა ბუჩუკური:

,,როგორც თავის დროზე მიხეილ სააკაშვილი ორბანთან ახლო ურთიერთობით და მეგობრობით ამაყობდა, დღეს ღარიბაშვილი ამაყობს.

თავად ღარიბაშვილმა მის მეგობარს სთხოვა თუ არა, საერთოდ ჰქონდა თუ არა საუბარი ადეიშვილის, კოდუას და მისთანების გადმოცემაზე?

თავის დროზე ორბანის მთავრობამ ზუსტად ამ ოდიოზურ ფიგურებს მიანიჭა პოლიტიკური თავშესაფარი. შესაბამისად, ამ კითხვას, პრემიერ-მინისტრს დღესვე აუცილებლად დავუსვამ”, – განაცხადა ანა ბუჩუკურმა.

ავტორი
ნინი ხიჯაკაძე