“ტრადიციული ევროპული პოლიტიკის კრიზისია, რომელიც პირდაპირ გვეხება ჩვენ, ქართველებს და რომელიც აწყობს რუსებსა და რუსქოცგრუზინებს” – ზაზა ბიბილაშვილი

,,ილია ჭავჭავაძის კვლევითი ცენტრის” დამფუძნებელი, ზაზა ბიბილაშვილი ფეისბუქის პირად გვერდზე სტატუსს აქვეყნებს, სადაც საუბრობს იმ პრობლემაზე, როგორიცაა ემიგრანტების დისტანცირებული როლი ევროპული ქვეყნების დემოკრატიული განვითარების პროცესში:

,,და მაინც, გამორჩეულად დამთრგუნველი ამ ყველაფერში ევროპული ქვეყნების დედაქალაქებში ემიგრანტების მიერ გამოვლენილი გამაოგნებელი ფანატიზმია, რომელიც აჩვენებს, რომ ამ ქვეყნებში მათი ინტეგრაცია დიდწილად მითია, მულტიკულტურული მშვიდობა – დიდწილად მოჩვენებითი, დემოკრატიულ მიამიტობაზე დაფუძნებული ათწლეულების მიგრაციული პოლიტიკა კი (რომელმაც, საკუთარი უსუსურობით, ულტრამემარჯვენე, პრორუსული პარტიები გააძლიერა) – დიდწილად მცდარი.

გაცილებით მეტია სასწორზე, ვიდრე ის, რაც ერთი შეხედვით ხვდება თვალს.

ტრადიციული ევროპული პოლიტიკის კრიზისია, რომელიც პირდაპირ გვეხება ჩვენ, ქართველებს და რომელიც, შესაბამისად, აწყობს რუსებსა და რუსქოცგრუზინებს“, – წერს ზაზა ბიბილაშვილი.

ავტორი
ნინი ხიჯაკაძე