“ამით უკვე დაიწყო არჩევნების გაყალბების მასშტაბური კამპანია და როგორ იყენებს ამ რესურსს “წარმატებით” “ქართული ოცნება”, ძალიან კარგად გვახსოვს” – ბაჩანა შენგელია

საჯარო სკოლებში მიმდინარე პროცესებს არჩევნების ჭრილში განიხილავს ადვოკატი, სამოქალაქო აქტივისტი ბაჩანა შენგელია:

“ვერ ვიხსენებ ბოლოს როდის ჩატარდა არჩევნები რომელიმე მნიშვნელოვან სპორტულ ფედერაციაში და პრეზიდენტობის ერთზე მეტი კანდიდატი ყოფილიყო.

დღეს, სამწლიანი ლოდინის შემდეგ აბსოლუტურად ყველა საჯარო სკოლაში, საჯარო სკოლების სამეურვეო საბჭოს, კანონის უხეში დარღვევით დირექტორობის თითო კანდიდატი წარუდგინეს.

არანაირი არჩევანი სკოლებს არ აქვს, ან ნებაყოფლობით მიიღებენ კანდიდატს, ან სამინისტრო იძულებით დაუნიშნავს ე.წ. დისკრეციული უფლებამოსილების გამოყენებით.

ამით უკვე დაიწყო არჩევნების გაყალბების მასშტაბური კამპანია, რადგან როგორ იყენებს ამ რესურსს ,,წარმატებით” ქართული ოცნება, ძალიან კარგად გვახსოვს.

გაცილებით მეტი ყურადღება უნდა მიაქციოს ამ ფაქტს ოპოზიციამაც, არჩევნების მეორე დღეს ვიშ-ვიში და ხმებს დავიცავთ ბოლომდეს უშედეგო ძახილი უკვე არაერთგზის გვინახავს.
პ.ს. უფრო მეტი კონკრეტიკა ამ თემაზე და ფაქტები უახლოეს დღეებში იქნება“, – წერს ფეისბუქის პირად გვერდზე ბაჩანა შენგელია.