„ეს არის თქვენი მიზანი სიცივის პირობებში ადამიანი არ იყოს კარავში და გაიყინოს გარეთ, მაშინ შეშაც აკრძალეთ, ჩაწერეთ შიგნით რომ შეშის შეტანა აკრძალულია. კონსერვის ქილაც აკრძალეთ“, – ამის შესახებ „სტრატეგია აღმაშენებლის“ გენერალურმა მდივანმა, პაატა მანჯგალაძემ პლენარულ სხდომაზე განაცხადა, სადაც „შეკრებისა და მანიფესტაციების შესახებ“ კანონში შესატანი ცვლილებების დაჩქარებული წესით განხილვა მიმდინარეობს.
მისივე თქმით, უმრავლესობა მესამე სექტორისა და ოპოზიციის მოსაზრებებს არ ითვალისწინებს და ეს რეგულაცია „ქართული ოცნების“ მიზნებს ვერ გაამართლებს:
“იმ განხილვების შემდეგ, იმ შენიშვნების შემდეგ, რაც ოპოზიციასა და არასამთავრობო ორგანიზაციების წარმომადგენლებს ჰქონდათ, არაფერი არ არის გაზიარებული, თქვენ ამას ამბობთ და ესე, როგორც არის, ყველაფერი ასე უნდა მივიღოთ.
მე მინდა გაგახსენოთ, რომ 1988 წელსაც მიღებული აქვს მსგავსი რეგულაცია იმდროინდელ უზენაესს საბჭოს, ეროვნული მოძრაობის წინააღმდეგ, მაგრამ ვერაფრით უშველა ამ რეგულაციამ.
თუ ბოლომდე ამბობთ და თქვენი მიზანია, რომ სიცივეში არ დარჩეს ადამიანი მუდმივი პროტესტის პირობებში, ხომ ეს არის თქვენი მიზანი სიცივის პირობებში ადამიანი არ იყოს კარავში და გაიყინოს გარეთ, მაშინ შეშაც აკრძალეთ, ჩაწერეთ შიგნით რომ შეშის შეტანა აკრძალულია. კონსერვის ქილაც აკრძალეთ, ადამიანენს შეაქვთ ხანდახან და დაწერეთ, რომ კონსერვის ქილის შეტანა არის აკრძალული.
მერე ჩაკეტეთ შემოსასვლელები ყველა მხრიდან, ალყა დაარტყით და გადაუკეტეთ წყალი ხალხს. აი, ეს არის, ეს რეგულაცია შემოგაქვთ თქვენ, ეს მუხლი ნიშნავს მაგას. ახლა რაც შეეხება მუხლს, მუხლის შინაარს რაც შეეხება – ეს ვინ უნდა განმარტოს კონსტრუქცია რა არის? პოლიციელმა უნდა განსაზღვროს კონტრუქციად?! მანამდეც მიგქონდათ და იტაცებდით კარვებს, მაგალითად ჩვენი კარავი გაქვთ წაღებული, საიდანაც სამედიცინო ნივთების დარიგება ხდებოდა მიტინგზე დაშავებული ადამიანებისთვის და ახლა ვინ უნდა განმარტოს? პოლიციელი გააკეთებს დისკრექციას, რომ რა მოეჩვენება დროებით კონსტრუქციად?” – განაცხადა პაატა მანჯგალაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” საზოგადოებასთან ურთიერთობის სამსახური ავრცელებს