“ცხადია, სტიქიები ისევ იქნება, მაგრამ დაუშვებელია, რომ ამ სტიქიებს ამხელა მსხვერპლი მოჰყვეს” – ბაია პატარაია

ბოლო პერიოდში ქვეყანაში მომხდარ სტიქიურ მოვლენებთან დაკავშირებით არასამთავრობო ორგანიზაციების წარმომადგენლებმა ბრიფინგი გამართეს. თემასთან დაკავშირებით განცხადება გააკეთა ,,საფარის“ აღმასრულებელმა დირექტორმა, ბაია პატარაიამ:

,,არის თუ არა ჩვენი ხელისუფლება მზად, რომ მომავალში მსგავსი ტრაგედიები თავიდან აიცილოს? გლობალური დათბობისა და, მით უმეტეს, საქართველოს გეოგრაფიული მონაცემების პირობებში, ცხადია, სტიქიები ისევ იქნება, მაგრამ დაუშვებელია, რომ ამ სტიქიებს ამხელა მსხვერპლი მოჰყვეს.

ევროპის ქვეყნებსა და განვითარებულ ქვეყნებში არსებობს კარგი პრევენციისა და სწრაფი რეაგირების მექანიზმები. ამ მოვლენებმა გვიჩვენა, რომ ჩვენთან არც პრევენცია არსებობს, არც დროული და ეფექტური რეაგირება“, – განაცხადა ბაია პატარაიამ.

ავტორი
ნინი ხიჯაკაძე