“იმპიჩმენტის საკითხი არის პოლიტიკური პროცესი, რაშიც სახალხო დამცველი, ბუნებრივია, ვერ ჩაერევა” – ლევან იოსელიანი

საქართველოს სახალხო დამცველი, ლევან იოსელიანი ჟურნალისტებთან კომენტარს აკეთებს პრეზიდენტის იმპიჩმენტის პროცესთან დაკავშირებით და განმარტავს, თუ რა როლის შესრულება შეუძლია ომბუდსმენის ინსტიტუტს:

,,ზოგადად, იმპიჩმენტის საკითხი არის პოლიტიკური პროცესი, რაშიც სახალხო დამცველი, ბუნებრივია, ვერ ჩაერევა. თუმცა, სახალხო დამცველს აქვს საშუალება, რომ მიმართოს სასამართლოს მეგობრის მოსაზრებით.

იმპიჩმენტი რამდენად ჯდება კონსტიტუციის II თავით გათვალისწინებული უფლებების ჩამონათვალში, ეს ცალკე საკითხია. ამიტომ ამაზე პრეზიდენტისგან თუ იქნება მომართვა, ალბათ, სახალხო დამცველის აპარატს მსჯელობა მოუწევს და მერე იქნება მიღებული გადაწყვეტილება – არის თუ არა კონსტიტუციის შესაბამისი უფლებით გათვალისწინებული შემთხვევა, გვაქვს თუ არა საქმე უფლების დარღვევასთან თუ ეს არის წმინდა პოლიტიკური საკითხი – იმპიჩმენტის საკითხი, რომელშიც სახალხო დამცველის მანდატი ასე პირდაპირ, შეიძლება ვერ იქნას მოაზრებული“, – განაცხადა ლევან იოსელიანმა.

ავტორი
ნინი ხიჯაკაძე