მთავრობის ვიცე-პრემიერი, კულტურის მინისტრი თეა წულუკიანი პოლიტიკურ შეფასებას აკეთებს ,,ქართული ოცნების” არჩევნებში გამარჯვების 11 წლისთავთან დაკავშირებით:
,,ეს არის დიდი პოლიტიკური გამარჯვების დღე, როდესაც ჩვენ გავერთიანდით და ბიძინა ივანიშვილის ხელმძღვანელობის ქვეშ დავამარცხეთ, ყველა იმ მშვიდობიანი მეთოდით, რომელსაც საარჩევნო პროცესი ითვალისწინებს, ის ძალა, რომელიც დაპატრონებული იყო არა მხოლოდ პოლიტიკურ ხელისუფლებას, არამედ ყველა ინსტიტუტს და ქვეყანას.
ჩვენ კიდევ წინ გვაქვს დიდი ბრძოლები იმისათვის, რომ ის პოლიტიკური ძალა, რომელიც ხელისუფლებიდან 2012 წლის 1 ოქტომბერს გავისტუმრეთ, კვლავ ცდილობს, ქვეყანა არიოს და სწორედ ამას უნდა შევებრძოლოთ კვლავ მშვიდობიანი მეთოდებით“, – განაცხადა თეა წულუკიანმა.
ავტორი
ნინი ხიჯაკაძე
კომენტარები - დატოვეთ თქვენი მოსაზრება