,,გამარჯვების პლატფორმის ერთ-ერთმა ლიდერმა, ,,ერთიანი ნაციონალური მოძრაობის” თავმჯდომარემ, ლევან ხაბეიშვილმა კომენტარი გააკეთა ,,მთავარი არხის” დამფუძნებელის, ნიკა გვარამიას განცხადებაზე პოლიტიკაში ჩართვათან დაკავშირებით:
,,კონკრეტულ შეთავაზებად მიიღოს ყველამ, რომ ,,ნაციონალური მოძრაობის”, კოალიციის კარი არის ღია! ყველასთვის მოიძებნება ადგილი, საიდანაც ბიძინა ივანიშვილის წინააღმდეგ კონკრეტული ადამიანები იბრძოლებენ“, – განაცხადა ლევან ხაბეიშვილმა
ინფორმაციისთვის: ,,მთავარი არხის” დამფუძნებელმა, ნიკა გვარამიამ ,,ტვ პირველის” ჟურნალისტთან კომენტარი გააკეთა მის პოლიტიკურ გეგმებთან დაკავშირებით:
,,სამოქალაქო სექტორში წასვლას არ ვაპირებ, მე ვაპირებ წასვლას პოლიტიკაში.
ბევრ რამეზე ვფიქრობ, მათ შორის, არის პარტიის შექმნაც, თავისთავად ცხადია, მაგრამ არ დავკონკრეტდებოდი, მაინც იმიტომ, რომ შესაძლებლობები ბევრია, თუმცა, სწორი შესაძლებლობა ცოტა. ამიტომ უფრო მეტი ფიქრი მჭირდება.
ყველა ვარიანტს განვიხილავ-თქო რომ გითხარით, რა თქმა უნდა, შედის ,,ნაცმოძრაობა”, თუმცა არის სხვა ვარიანტებიც“, – აღნიშნა ნიკა გვარამიამ.
ავტორი
ნინი ხიჯაკაძე
