სერბეთიდან საქართველოში ჩამოსული უცხოელები, რომლებსაც ტრენინგები უნდა ჩაეტარებინათ, სახელმწიფო უსაფრთხოების სამსახურში დაკითხვა დაიბარეს. აღნიშნულ საკითხთან დაკავშირებით ჟურნალისტებთან მწვავე კომენტარი გააკეთა საპარლამენტო უმრავლესობის წევრმა, ირაკლი ზარქუამ:
,,კარგა ხანია დავიწყეთ ამ თემაზე საუბარი, რომ რადიკალები ემზადებიან რევოლუციური სცენარისთვის. მათ არაერთი მცდელობა ჰქონდათ, უბრალოდ არ გამოუვიდათ. ხალხი არ აჰყვა იმიტომ, რომ გაიშიფრნენ, ამიტომაც არ გაყვნენ ამ რევოლუციურ სცენარში.
მორიგი იერიშის მიტანა უნდათ ქართულ სახელმწიფოზე. ამასთან დაკავშირებით პრევენციის სახით გააკეთა სუს-ა განცხადება, სადაც კონკრეტული არგუმენტი იყო მოხმობილი. ახლა აგერ კონკრეტულად ის გვარები, ის ორგანიზაცია, რომელიც მონაწილეობდა დღეს საქართველოში არის და ფუნქციონირებს. აღმოჩნდა, რომ სწორი მიმართულებით და სწორ ინფორმაციაზე დაყრდნობით აკეთებდა ამ განცხადებებს შესაბამისი სტრუქტურები.
ასე, რომ კიდევ ერთხელ მე მინდა მივმართო ყველას, ვინც აქ ხართ ჩამოსულები იმისთვის, რომ ქვეყანა არიოთ ან ამ ადგილობრივ ,,ლუზერებს” და გაკოტრებულებს – ვინმე თუ ქართული სახელმწიფოს წინააღმდეგ ნაბიჯს გადადგამს, ყველას მოგეკითხებათ“, – განაცხადა ირაკლი ზარქუამ.
ავტორი
ნინი ხიჯაკაძე
