პარტია “თეთრები” ინფორმაციას ავრცელებს პარტიის ლიდერ თემურ შაშიაშვილის მიერ დაგეგმილ ფეისბუქკონფერენციასთან დაკავშირებით:
“დღეს, 29 სექტემბერს, 19:00 საათზე ცოტნე დადიანის 26-ში, „თეთრების“ ლიდერი და „მეცნიერთა კონგრესის“ წევრი, თემურ შაშიაშვილი გამართავს ფეისბუქკონფერენციას, რომელზეც მიწვეულნი არიან მის მიმართ კრიტიკულად განწყობილი პიროვნებები დ ყველა, ვისაც რაიმე კითხვა აქვს.
მანამდე თემურ შაშიაშვილმა გაავრცელა ოპონენტებისადმი საჯარო მიმართვა, რომელშიც ნათქვამია: „კრიტიკის,ლანძღვის სტრიქონების ავტორებმა მიიღონ ჩემი წინადადება და შედგეს ღია დიალოგი.ჩვენ პრეს-რელიზსაც გავავრცელებთ, რომ დაინტერესებულმა ჟურნალისტებმაც შეძლონ მონაწილეობა ამ,მართლაც, უპრეცედენტო შეხვედრაში..მე ვეხმარები მათ ჩემს მხილებაში და ვინც არ მოვა თვითონ ამხელს საკუთარ თავს“.
შეხვედრაზე თემურ შაშიაშვილმა მიიწვია ჟურნალისტი დიტო ჩუბინიძე, რომელსაც სპეციალური მიმართვა გაუგზავნა და შესთავაზა გაზეთ “ასავალ-დასავალს”ამ შეხვედრის გაშუქება.
თეიმურაზ შაშიაშვილი მარტო საჯარო გამოსვლით არ შემოიფარგლება და განსაკუთრებით ცილისმწამებლურ ბრალდებებს სასამართლოს გზით უპასუხებს.
„ვთხოვ იურისტებს, დამეხმარონ. ვაპირებ სასამართლოს მივმართო, ვის მიმართაც დღევანდელი კანონმდებლობა ამის საშუალებას მაძლევს…“
„შიშით არ მიცხოვრია, ორი სასამართლო მოვუგე პრეზიდენტს, როგორც გუბერნატორმა და ორიც შევარდნაძე-სააკაშვილის ოჯახების ერთობლივ ბიზნე-ბანდას. ამ დღეს ამ ფაქტებსაც გამოვიტან!“, ასკვნის თემურ შაშიაშვილი ოპონენტებისადმი საჯარო მიმართვაში“, – ნათქვამია გავრცელებულ განცხადებაში.
ინფორმაციას „თეთრების“ პრეს-ცენტრი ავრცელებს
