“ყოველთვის, როცა ივანიშვილის ინტერესია, დგას მის მხარეს” – ვახო სანაია სალომე ზურაბიშვილთან დაკავშირებით

ჟურნალისტი ვახო სანაია პრეზიდენტ სალომე ზურაბიშვილთან დაკავშირებით კონკრეტულ პრეტენზიებსა და ეჭვებს გამოთქვამს:

“ზურაბიშვილის შეცვლილი პოზიცია, შეუნარჩუნოს ფარცხალაძეს საქართველოს მოქალაქეობა, იმდენად უსუსურია არგუმენტაციის მხრივ, ჩნდება ლოგიკური შეკითხვა – ვინ შეაცვლევინა მას ეს პოზიცია?

რა ფასი ადევს ფარცხალაძეს, ხვდებით ხო?!

არა რა, გაგიჟდები კაცი (პირადად მე არ მიკვირს, მაგრამ მაინც). სანქცირებულ ტიპს მისცა საშუალება (გარკველი დრო მაინც), თავისუფლად იმოქმედოს, ფული გადაქაჩოს და ასე შემდეგ. თან ეს გააკეთა კანონის უხეში დარღვევით. პრეზიდენტმა.

ყოველთვის, როცა ივანიშვილის ინტერესია, დგას მის მხარეს. ნეტა როდის მიხვდება ამას ის ხალხი, ვინც აქამდე ვერ ხვდება“, – აღნიშნავს ვახო სანაია სოციალურ ქსელში გამოქვეყნებულ პოსტში და ასევე აფიქსირებს პოზიციას სალომე ზურაბიშვილის მიერ ეროვნული ბანკის საბჭოს წევრის ორ ვაკანტურ თანამდებობაზე ასარჩევად პარლამენტისთვის ნანა ყეინიშვილისა და თეიმურაზ ხომერიკის კანდიდატურების წარდგენასთან დაკავშირებით:

“პრეზიდენტს რატომ ჰყავდა ეროვნულ ბანკში წარდგენილი ერთი – მეტი რომ არ შეიძლება, ისეთი ქოცი, საეჭვო რუსული კავშირებით და მეორე – ირაკლი კობახიძის უახლოესი მეგობარი?

რატომ შეუწყო ხელი ეროვნული ბანკის სრულ გაფარჩაკებას?

მანამდე რატომ დაუჭირა მხარი თურნავას? ბოდიში არ უშველის თურნავას ამბავს.

მოკლედ, ყველაფერს აკეთებს, რაც ივანიშვილს სურს“, – წერს ფეისბუქის საკუთარ გვერდზე ვახო სანაია.