პარტია ,,ქართული ოცნების” თავმჯდომარე, ირაკლი კობახიძე ჟურნალისტებთან კომენტარს აკეთებს ყოფილი გენერალური პროკურორის, ოთარ ფარცხალაძის სანქცირების საქმის გამოძიებასთან დაკავშირებით:
,,აქ საინტერესო რა არის იცით, რომ ეროვნულმა ბანკმაც და იუსტიციის სამინისტრომაც კონსტიტუციის და კანონმდებლობის შესაბამისად იმოქმედა. ერთ შემთხვევაში ისე გამოვიდა, რომ ფარცხალაძეზე გავრცელდა დადებითი რეგულაცია, მეორე შემთხვევაში კი – მისთვის უარყოფითი რეგულაცია.
არავითარი ხვრელი არსად არ არის დატოვებული. ეროვნული ბანკის რეგულაციამ უზრუნველყო ჩვენი მოქალაქეების კონსტიტუციური უფლების დაცვა. ერთადერთი, ეს არის უზრუნველყოფილი.
[სუს-ის გამოძიებაზე] მე არ ვიცი დეტალები, არც მუხლი ვიცი, არც რა პროცედურები ჩატარდა აქამდე – მე არ ვიცი, ბუნებრივია, მითუმეტეს, როდესაც ეს არის სუს-ის გამოძიება. ეს დეტალები მე ვერ მეცოდინება. თავისთავად ეს მნიშვნელოვანი ფაქტია. რატომ? – იმიტომ, რომ როდესაც კონკრეტულ ადამიანს უყენებენ ასეთ ბრალდებას, მოქალაქე აღარაა, მაგრამ თავის დროზე იყო, მაგრამ ამასაც არ აქვს მნიშვნელობა, როდესაც ასეთი ბრალდება არის წაყენებული, მნიშვნელოვანია, რომ ყველა ფაქტი მტკიცებულებებით დადასტურდეს. ამიტომ გამოძიების დაწყება იყო აუცილებელი”, – განაცხადა ირაკლი კობახიძემ.
ავტორი
ნინი ხიჯაკაძე
