ხუთშაბათი, ივნისი 20, 2024

“ჩვენი მოწოდება ხელისუფლების მიმართ არის ის, რომ დროულად შეასრულოს სრულყოფილად ის კონკრეტული კრიტერიუმები, რაც არის დაწესებული” – ვილი პაჭკორია

საზოგადოებრივმა გაერთიანებამ საქართველოს ევროპული მომავლისთვის – ,,ევროპულმა პარადიგმამ” შეხვედრა-დისკუსია გამართა საქართველოსთვის ევროკავშირის კანდიდატი ქვეყნის სტატუსის მინიჭებასთან დაკავშირებულ პრობლემებსა და მათი დაძლევის გზებზე. კონფერენციას ესწრებოდნენ სხვადასხვა დარგის ექსპერტები, არასამთავრობო ორგანიზაციები და საზოგადოების სხვა წარმომადგენლები.

აღნიშნულ თემაზე ჟურნალისტებთან კომენტარი გააკეთა ,,კლინიკების ასოციაციის” დამაარსებელმა, მედიკოსმა, ვილი პაჭკორიამ:

,,დღეს შეიკრიბა ,,საქართველოს ევროპული პარადიგმის” გარშემო სხვადასხვა სფეროს წარმომადგენლები, რომელთა მიზანი და ამოცანა გახლავთ საქართველოს ევროკავშირში გაწევრიანება. ეს მიზანი უნდა აღასრულოს დღევანდელმა ხელისუფლებამ.

სწორედ ჩვენი მოწოდება ხელისუფლების მიმართ არის ის, რომ დროულად შეასრულოს სრულყოფილად ის კონკრეტული კრიტერიუმები, რაც არის დაწესებული. წინააღმდეგ შემთხვევაში საზოგადოება, ჩვენ თავს აღარ მოვატყუვებინებთ ხელისუფლებას და არც ხალხს არ მოვატყუნებინებთ. აქედან გამომდინარე, მთელი პასუხისმგებლობა ეკისრება დღევანდელ მთავრობას და ხელისუფლებას”, – განაცხადა ვილი პაჭკორიამ.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული