“გამარჯვების პლატფორმის” იდეა არის, რომ ჩვენ ერთიანობით, ერთად დგომით, აღმშენებლობით გამარჯვებას მოვუტანთ საქართველოს! – გიორგი ვაშაძე

„სტრატეგია აღმაშენებლის“ თავმჯდომარემ, გიორგი ვაშაძემ ქუთაისში გამართულ ღონისძიებაზე „გამარჯვების პლატფორმის“ მიზნებსა და შესაძლებლობებს გაუსვა ხაზი.

როგორც გიორგი ვაშაძე აღნიშნავს, საქართველოს წარმატება და აღმშენებლობის გეგმის განხორციელება რეალურია, თუკი მოსახლეობა ირწმუნებს და აღნიშნულ პროცესში აქტიურად ჩაერთვება.

მისივე თქმით, სწორედ ამ იდეის გარშემო შეიქმნა „გამარჯვების პლატფორმა“, რომელიც პატრიოტ და პროფესიონალ ადამიანებთან ერთად საქართველოს გამარჯვებას აუცილებლად მოუტანს:

„სწორედ იმისთვის, რომ ეს აღმშენებლობის გეგმა განხორციელდეს, მთავარია გვჯეროდეს, ცვლილებები შესაძლებელია და პროექტები რეალურია და ჩვენ, საქართველოს მოქალაქეებმა, აქტიური მონაწილეობა უნდა მივიღოთ ამ პროცესში!

ძლიერი ქუთაისი, ძლიერი საქართველო რეალურია! გამარჯვება რეალურია! სწორედ ამ რწმენით და ამ მიზნებით „ნაციონალურ მოძრაობასთან“ ერთად, მიხეილ სააკაშვილისა და „ნაციონალური მოძრაობის“ ლიდერების აქტიური მონდომებით, ყველა თაობის პატიოსან, პროფესიონალ და პატრიოტ ადამიანთან ერთად შეიქმნა „გამარჯვების პლატფორმა“.

სწორედ ეს არის „გამარჯვების პლატფორმის“ იდეა, რომ ჩვენ ერთიანობით, ერთად დგომით, აღმშენებლობით გამარჯვებას მოვუტანთ საქართველოს! გამარჯვება არის ერთდერთი გამოსავალი! და ჩვენ აუცილებლად გავიმარჯვებთ! საქართველო გაიმარჯვებს!“ – განაცხადა გიორგი ვაშაძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” საზოგადოებასთან ურთიერთობის სამსახური ავრცელებს