ხუთშაბათი, ივნისი 20, 2024

“მთავარია, რომ ჩვენი დეპუტატები იყვნენ იმპიჩმენტის პროცედურისთვის მობილიზებულები” – ირაკლი კობახიძე

პარტია ,,ქართული ოცნების” თავმჯდომარე, ირაკლი კობახიძე ჟურნალისტებთან კომენტარს აკეთებს საქართველოს პრეზიდენტის, სალომე ზურაბიშვილის იმპიჩმენტთან დაკავშირებით და  პარლამენტში, მომდევნო თვეში, კენჭისყრის პროცედურის თაობაზე:

,,პარლამენტში 100 ხმის რესურსი არ არის. კოლექტიური ,,ნაცმოძრაობა”, რა თქმა უნდა, დადგება იმ ადამიანის მხარეს, რომელსაც თავის დროზე მოღალატედ აცხადებდა.

[პრეზიდენტს] როგორც ჩანს, მაინც აქვს გარკვეული შიშები, თავს იზღვევს – ესაუბრება რადიკალური ოპოზიციის წარმომადგენლებს. ეს მისი საქმეა.

ჩვენთვის მთავარია, რომ ჩვენი დეპუტატები იყვნენ იმპიჩმენტის პროცედურისთვის მობილიზებულები. ეს არის ერთადერთი, რაზეც ჩვენ ვზრუნავთ. არ გვაინტერესებს ოპოზიციასთან მუშაობა ამ თემაზე.

თუ ლეგიტიმური და კონსტიტუციური იყო ვიზიტი, მაშინ [პრეზიდენტმა] რატომ არ დახარჯა ბიუჯეტის ფული? თვითონვე უკვე აღიარა, რომ კონსტიტუცია უხეშად დაარღვია. შესაბამისად, საკონსტიტუციო სასამართლოს სამსჯელოც კი არაფერი დაუტოვა“, – განაცხადა ირაკლი კობახიძემ.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული