პარტია “ლელო საქართველოსთვის” თავმჯდომარე მწვავე განცხადებას ავრცელებს “ქართული ოცნების” დამფუძნებლის ბიძინა ივანიშვილისა და პარტიის მოქმედი თავმჯდომარის, ირაკლი კობახიძის მიმართ:
“ბიძინამ, კობახიძის პირით, ახალი ბინძური პროპაგანდა წამოიწყო. თურმე მე ვიყავი წინა ხელისუფლების დროს ბიზნესის რეკეტში ჩართული. ყველაფერს აქვს საზღვარი, ეს ბინძური პროპაგანდა და ცილისწამება უნდა დამთავრდეს!
კობახიძეს ამ ბრალდების დამტკიცება მოუწევს სასამართლოში, სადაც გარანტირებულად წააგებს და პასუხს აგებს, მურუსიძეც ვერ უშველის ტრადიციულ გაყალბებაში. ასევე, თქვენი პარტიის ბოტებს და ტროლებს ჩემს მიერ “გამოსახლებული” ხალხის სიაც წამოაღებინეთ, საბუთებით, ფაქტებით…
გელოდებით! ქართულ პოლიტიკაში ცილისწამება და ტალახის სროლა უნდა დამთავრდეს! გელოდებით სასამართლოში საბუთებით!” – წერს ფეისბუქის საკუთარ გვერდზე მამუკა ხაზარაძე.
