საქართველოს მთავრობის სტრატკომმა, გავრცელებული განცხადებით, განმარტებები გააკეთა პრემიერ-მინისტრ ირაკლი ღარიბაშვილი ამერიკაში განხორციელებულ კერძო ვიზიტთან დაკავშირებით. აღნიშნულ ფაქტს და განმარტებებს ირონიანარევი მწვავე შეფასებებით ეხმაურება საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე:
,,უნდა ვთქვათ, რომ კერძო ვიზიტით იმყოფებოდა, ამ დროს, თურმე ჩარტერით. ვიცით, რომ რამდენიმე ათობით ათასი დოლარი ღირს ჩარტერით ამერიკაში გაფრენა.
ახლა პრემიერმა უნდა თქვას, საიდან ჰქონდა ეს თანხა? ვინ გადაიხადა? ამაზე უნდა იყოს საუბარი.
ჩვენ ვიცით, რომ ღარიბაშვილი შემჩნეულია კორუფციაში. არსებობს კახური კლანი. ამაზე ,,ქართული ოცნების” ლიდერები თავად საუბრობდნენ თავის დროზე. ახლა ისე არ გამოვიდეს, რომ ჩარტერის ფული ღარიბაშვილს მამამ გადაუხადა. აქამდე არ დავიდეს ეს ყველაფერი.
მე ამაში, რა თქმა უნდა, ვხედავ კორუფციის რისკებს“, – განაცხადა პაატა მანჯგალაძემ
