2024 წლის არჩევნებისთვის პარტია ,,დროა” და ,,გირჩი – მეტი თავისუფლება” გაერთიანდა. 2 პარტიის პოლიტიკური გადაწყვეტილება შეაფასეს პარტიის ლიდერებმა:
,,დროას” და ,,გირჩს”, გვაქვს ძალიან ბევრი საერთო, მათ შორის, მომავლის ხედვასთან დაკავშირებით, თუ როგორი უნდა იყოს საქართველო; როგორი არის ევროპული, თავისუფალი, მშვიდი, უსაფრთხო საქართველო; რა სჭირდებათ ჩვენს მოქალაქეებს, რომ ელემენტარული – სამართლიანობა, სამართალი, კანონის უზენაესობა. ჩვენ გადავწყვიტეთ, რომ საარჩევნო გაერთიანება გავაკეთოთ და ამ წელიწადს ჩვენი ქვეყნის პერსპექტივისთვის ვიბრძოლოთ.
კატეგორიულად არ ვაპირებთ ოპოზიციურ ჩხუბში და რაღაცის მტკიცებაში მონაწილეობას. ჩვენი მთავარი ამოცანა არის ,,ქართული ოცნების”, რუსული რეჟიმის დამარცხება“, – განაცხადა ელენე ხოშტარიამ.
,,ჩვენ მეტ-ნაკლებად გვყავს ერთგვაროვანი მხარდამჭერები, ისინი არიან მეტწილად ახალგაზრდები, საშუალო კლასი – ცხოვრებით ურბანულ ნაწილში.
ბარიერი, ცხადია, არის [გაერთიანების] ერთ-ერთი მიზეზი. 5%-იანი მაღალი ბარიერი ნიშნავს, რომ თუ ამ სისტემაში იღებ არჩევნებში მონაწილეობას და ვერ ლახავ ბარიერს, ამით ირიბად ხელს უწყობ, რომ რუსები ისევ დარჩნენ ხელისუფლებაში“, – განაცხადა ზურაბ ჯაფარიძემ.
ავტორი
ნინი ხიჯაკაძე
