“თუ ოპოზიციიდან ვინმე აღმოჩნდება ისეთი, რომელიც პრეზიდენტის იმპიჩმენტს მხარს დაუჭერს – ის იქნება “ქართული ოცნების” და არა ოპოზიციის წარმომადგენელი” – ანა წითლიძე

საქართველოს პარლამენტისა და ,,ერთიანი ნაციონალური მოძრაობის“ წევრი, ანა წითლიძე კომენტარს აკეთებს ,,ქართული ოცნების“ პოლიტიკური საბჭოს გადაწყვეტილებაზე, სადაც საუბარია პრეზიდენტ სალომე ზურაბიშვილის იმპიჩმენტის საკითხთან დაკავშირებით:

,,თუ ოპოზიციიდან ვინმე აღმოჩნდება ისეთი, რომელიც პრეზიდენტის იმპიჩმენტს მხარს დაუჭერს, მან ძალიან კარგად უნდა იცოდეს, რომ მას შესაბამისი სახელი დაერქმევა – ის იქნება ,,ქართული ოცნების“ და არა ოპოზიციის წარმომადგენელი.

პრეზიდენტის იმპიჩმენტის საკითხი მიზნად ისახავს საქართველოს ევროპული კურსის საბოტაჟს. ხელისუფლებამ ძალიან კარგად იცის, რომ საქართველოს პრეზიდენტის იმპიჩმენტის საკითხი არის ის, რასაც ექნება ჩვენი საერთაშორისო პარტნიორებისგან ძალიან მწვავე პოზიცია.

მაშინ, როდესაც მინიმალური შანსი მაინც ჩნდება იმისი, რომ ჩვენ კანდიდატის სტატუსი მივიღოთ, ხელისუფლება ყოველ ჯერზე ყველაფერს აკეთებს იმისთვის, რომ დააზიანოს ევროპული კურსი“, – განაცხადა ანა წითლიძემ.

ავტორი
ნინი ხიჯაკაძე