“თუ ვინმე არღვევს კონსტიტუციის 78-ე მუხლს, ეს არის თავად ხელისუფლება!” – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე კომენტარს აკეთებს მმართველი პარტიის განცხადებებზე, რომელიც ეხება საქართველოს პრეზიდენტის, სალომე ზურაბიშვილის შეხვედრებს ევროპის ლიდერებთან:

,,ადამიანმა, იმის გამო, რომ გერმანიის პრეზიდენტს შეხვდა ან, თუნდაც, ევროსაბჭოს პრეზიდენტს, შარლ მიშელს, ამით რა – კონსტიტუცია დაარღვია?! ნამდვილად ვერ ვხვდები! ამიტომ, თუ ვინმე არღვევს კონსტიტუციის 78-ე მუხლს, ეს არის თავად ხელისუფლება.

ამ ხალხს არანაირი უფლება არ აქვს, რომ საუბრობდეს – თითქოს კონსტიტუციას ან თითქოს ევროპულ კურსს იცავენ. პირიქით, ეს ყველაფერი მიმართულია რუსების, რუსული საქმის კეთებისთვის“, – განაცხადა პაატა მანჯგალაძემ.

ავტორი
ნინი ხიჯაკაძე