უკრაინის უმაღლესი რადას, ფრაქცია “ხალხის მსახურის” თავმჯდომარე, დავით არახამია პოლიტიკურ შეფასებებს აკეთებს ევროინტეგრაციის პროცესთან მიმართებაში “ქართული ოცნების” დამოკიდებულებაზე და მიაჩნია, რომ მმართველი პარტია, საქართველოს ხელისუფლება მიზანმიმართულად უშლის ხელს ამ პროცესს:
“საქართველოს პრეზიდენტის ევროპულ ტურნეზე “ქართული ოცნების” რეაქცია სრულიად აშიშვლებს იმ რეალობას, რომ დღეს ივანიშვილი და მის უკან მდგარი რუსეთი ათამაშებენ 2013 წლის იანუკოვიჩის სცენარს, ოღონდ პირიქით: რაკიღა ახსოვთ იანუკოვიჩის ისტორიის დასასრული, თვითონ ღიად ვერ ამბობენ უარს სტატუსზე, მაგრამ ყველაფერს აკეთებენ, რომ საქართველოს ევროკავშირმა უთხრას უარი სტატუსის მინიჭებაზე. ამ მიზნით სტატუსის საქართველოსთვის მინიჭების გადაწყვეტილება მომწიფდება თუ არა, იჭერენ ქვეყნის ყველაზე გავლენიან და კრიტიკულ ჟურნალისტს, იღებენ “რუსულ კანონს”, აღადგენენ ფრენებს რუსეთთან.
და ახლაც, როცა მორიგ ჯერზე გაჩნდა შანსი, მიუხედავად რუსული და ანტიდემოკრატიული მთავრობისა, ქართველმა ხალხმა მისი უდიდესი სურვილისა და ისტორიული დამსახურების გამო მიიღოს სტატუსი, მთავრობა საბოტაჟის მორიგ და ყველაზე სამარცხვინო აქტს ახორციელებს.
სავსებით ცხადია, “ქართული ოცნება” იბრძვის იმისთვის, რომ შეასრულოს რუსული დაკვეთა და საქართველო ევროპული სტატუსის გარეშე დატოვოს“, – წერს ფეისბუქის საკუთარ გვერდზე დავით არახამია.
