„ქართული ოცნების“ პოლიტიკურმა საბჭომ განცხადება გაავრცელა საქართველოს პრეზიდენტის, სალომე ზურაბიშვილის მიმართ იმპიჩმენტის პროცედურის დაწყებასთან დაკავშირებით. აღნიშნულ საკითხზე საგანგებო ბრიფინგზე მწვავე პოლიტიკური შეფასება გააკეთა ,,ლეიბორისტული პარტიის” თავმჯდომარემ, შალვა ნათელაშვილმა:
,,ოლიგარქის მარიონეტულ თეატრში იდგმება მორიგი სპექტაკლი სახელწოდებით – ,,პრეზიდენტის იმპიჩმენტი”, რომლის მიზანია, პრორუსულად აღიარებული ,,ქოცური ოცნება” ვითომდა, დაუპირისპირონ პრეზიდენტს. ამით ზურაბიშვილს ევროპა-ამერიკაში იმიჯი აუწიონ, რის შედეგადაც ეს უკანასკნელი შეძლებს, ბიძინა ივანიშვილს თავიდან ააცილოს გარდაუვალი სანქციები, რომელიც მას ყოველ წუთსა და წამს ელოდება.
იმედია, საღად მოაზროვნე ადამიანები, ამ ,,აბსურდის თეატრს” არ დაიჯერებენ. მიხედავენ და მივხედავთ ჩვენს ქვეყანას, რომელიც გადარჩენა/არგადარჩენის ზღვარზეა, უპირველესად, სოციალურად, ეკონომიკურად“, – განაცხადა შალვა ნათელაშვილმა.
ავტორი
ნინი ხიჯაკაძე
