საპარლამენტო პოლიტიკური ჯგუფის ,,ლელო-პარტნიორობა საქართველოსთვის” თავმჯდომარე, დავით უსუფაშვილი ჟურნალისტებთან კომენტარს აკეთებს საქართველოს ევროპული ინტეგრაციის პროცესზე. მისი განცხადებით, მმართველ პარტია ამ პროცესს ეწინააღმდეგება:
,,ვფიქრობ, რომ საქართველოს ადგილი არის ევროპაში, ევროკავშირში, ევროპული სტანდარტების მომავალში! ერთადერთი, ვისაც ამაში ეჭვი ეპარება და ეწინააღმდეგება, ეს არის თავგზააბნეული ,,ქართული ოცნება”.
ევროპა, ევროპული სახელმწიფოები, ევროკავშირი სრულიად ცალსახად გვეუბნებიან, რომ ისინი მზად არიან, საქართველო იხილონ უსაფრთხოების, კეთილდღეობის, თავისუფლების აი ამ დიდ ოჯახში. ,,ქართულ ოცნებას” ამის ეშინია იმიტომ, რომ თავისუფლების, თავისუფალი მოქალაქის ეშინია.
ევროპა თავისუფალ მოქალაქეებზე დგას და არა ვინმე ლიდერებზე, მესიებზე, ვინმე მხსნელებზე და ა.შ.“, – განაცხადა დავით უსუფაშვილმა.
ავტორი
ნინი ხიჯაკაძე
