,,გამარჯვების პლატფორმის” წარმომადგენლები – ,,ერთიანი ნაციონალური მოძრაობისა” და ,,სტრატეგია აღმაშენებლის” ლიდერები რეგიონალურ შეხვედრებს ატარებენ, დღეს კი – იმერეთში იმყოფებდნენ. რეგიონალურ პრობლემებზე კომენტარი გააკეთა ,,ენმ”-ს თავმჯდომარემ, ლევან ხაბეიშვილმა:
,,უმძიმესი პრობლემები აქვთ ჩვენ მოქალაქეებს. დაწყებული ეკონომიკური პრობლემებიდან, გაგრძელებული სოციალური მიმართულებით. ამიტომ მნიშვნელოვანია, კოორდინირებული მუშაობისთვის გვქონდეს ყოველდღიური შეხვედრები, მათ შორის – სხვადასხვა მუნიციპალიტეტში, სხვადასხვა რეგიონალურ ლიდერებთან, წარმომადგენლებთან.
ცხადია, ვაკეთებთ, ასე ვთქვათ – პრობლემების ნუსხას. იცით, რომ მაგალითად, დღეს, გურიაში გვქონდა აქტივობა, რომელიც უკავშირდება თხილის დაბალ ფასს. ასევე, იმერეთში უამრავი პრობლემაა. ამიტომ ჩვენ ყოველდღიურ რეჟიმში ვზრუნავთ პარტიული ინფრასტრუქტურის, გამარჯვების პლატფორმის გაძლიერებაზე“, – განაცხადა ლევან ხაბეიშვილმა.
ავტორი
ნინი ხიჯაკაძე