უფლებადამცველი, შრომის უფლებების აქტივისტი ლაშა მესხი სოციალურ ქსელში საყურადღებო ინფორმაციას ავრცელებს:
“ათეულობით ადამიანი მიკავშირდება კვირაზე მეტია.
კვიპროსში მასიური რეიდები მიმდინარეობს! განსაკუთრებით აგრესიულად ექცევიან საქართველოს მოქალაქეებს. შემოწმებები ჩატარდა სასტუმროებში, კვების ობიექტებში და ეკლესიაშიც კი!!! იყავით ფრთხილად!!!
სადაა მედია ისტერია ამ თემაზე, როცა იქ ასეულობით საქართველოს მოქალაქე ისედაც ტიტანურ შრომას ეწევა და ახლა მასიურად ხდება ამ ხალხის დევნა?!
რატომ დუმს პოლიტიკური და სხვა ელიტები?
ამ ხალხის უმეტესობას, მართალია აქვს საბუთების პრობლემა, თუმცა ისინი რეალურად საკურორტო ზონებში უდიდეს სამუშაოს აწარმოებენ, მინიმალურ ფასად და ამით კვიპროსის ეკონომიკას ამუშავებენ.
ასეთ შემთხვევებში აუცილებელია ამ ხალხის მდგომარეობის გათვალისწინებით
სახელმწიფო დონეზე მოხდეს რაიმე სახის შეთანხმება, დროებითი საბუთი, მორატორიუმი ან რაიმე მსგავსი.
მშრომელები იმსახურებენ ადამიანურ მოპყრობას, როგორც ჩვენს ქვეყანაში ასევე საზღვარგარეთ“, – აღნიშნავს ლაშა მესხი.
