ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე ჟურნალისტებთან კომენტარს აკეთებს რაჭაში, შოვში მომხდარ სტიქიურ უბედურებასთან დაკავშირებით მიმდინარე საგამოძიებო პროცესზე და მწვავედ აკრიტიკებს ოპოზიციის მხრიდან გაკეთებულ განცხადებებს:
,,თუკი გამოძიების პროცესში გამოიკვეთება ისეთი გარემოება, რომელიც განაპირობებს ან კვალიფიკაციის შეცვლას, ან სხვა საგამოძიებო სტრუქტურისთვის საქმის გადაცემის საჭიროებას, ბუნებრივია, რომ გადაწყვეტილებაც შესაბამისი იქნება და ამას საზოგადოება გაიგებს.
არ დაგვავიწყდეს, რომ როდესაც ამ ოპოზიციაზე ვსაუბრობთ, რომელსაც ძალიან ხმამაღალი განცხადებები ჰქონდა იგივე შოვის ტრაგედიასთან დაკავშირებით, ძალიან ცუდად გამოიყურებოდა მათი ასეთი მონდომება და მეცადინეობა.
რეალურად, აშკარად იგრძნობოდა, რომ მათი სურვილი იყო პოლიტიკური დივიდენდების დაწერა ამ უზარმაზარ ტრაგედიაზე და არა ჭეშმარიტების გარკვევა. ეს ჩანდა ყველაფრიდან გამომდინარე.
არ დაგვავიწყდეს, რომ არცერთი ეს ოპოზიციონერი, რომელიც ამაზე ძალიან ხმამაღლა და ანგაჟირებულად საუბრობს, პრაქტიკულად, არც ერთი მათგანი, ადგილზე არ ჩასულა და ფიზიკურად არ დაუთვალიერებია, ყველაფერს თავი რომ დავანებოთ, იქ მომხდარი ტრაგედიის ეპიცენტრი“, – განაცხადა მიხეილ სარჯველაძემ.
ავტორი
ნინი ხიჯაკაძე
