ველური ბუნების ეროვნული სააგენტოს კიდევ ერთი საინტერესო მასალა: ქედანი – (Columba palumbus) მტრედისნაირათა რიგის ფრინველია, რომლის სხეულის სიგრძეა 38-43 სმ, ფრთების შლილი კი 68-77 სმ. მისთვის დამახასიათებელია სხეულის მონაცრისფრო შეფერილობა, მოვარდისფრო მკერდი, თეთრი და მომწვანო ლაქები კისერზე. მტრედთან შედარებით ქედანი დიდი ზომისაა.
🔸 ქედანი ბუდეს იკეთებს ხეზე. იგი მაისის შუა რიცხვებში დებს 2 კვერცხს. საინკუბაციო პერიოდი 18 დღემდე გრძელდება. ხუნდებს გამოჩეკიდან 30-35 დღის შემდეგ შეუძლიათ ფრენა.
🔸 მისი ჰაბიტატია ფოთლოვანი, შერეული, ჭალის და არიდული ტყეები. იკვებება კულტურული და ველური მცენარეების მარცვლეულითა და ნაყოფით.
კომენტარები - დატოვეთ თქვენი მოსაზრება
