“ქართული ოცნების” მხრიდან ბევრი დამაზიანებელი ნაბიჯი გადაიდგა, ნებისმიერი პოზიტიური გადაწყვეტილება იქნება დიდწილად საქართველოს მოსახლეობის დამსახურება – ედუარდ მარიკაშვილი

,,საქართველოს დემოკრატიული ინიციატივას“ თავმჯდომარე, ედუარდ მარიკაშვილი ,,მთავარი არხის“ ჟურნალისტთან კომენტარს აკეთებს ევროსაბჭოს 12 რეკომენდაციის შესრულების პროცესსა და მოლოდინებზე, მიიღებს თუ არა საქართველო ევროკავშირის კანდიდატის სტატუსს:

,,ერთ-ერთი ყველაზე პრობლემური საკითხი ჩვენ ვნახეთ, რომ ამ 12 რეკომენდაციის ნაწილში, იყო სწორედ ადამიანის უფლებების საკითხი, მედიის თავისუფლება, დეოლიგარქიზაციის საკითხი და ა.შ.

რაც შეეხება ამ ეტაპზე საქართველოსთვის სტატუსის მონიჭება/არმონიჭების საკითხს, უნდა ითქვას, რომ ძალიან ბევრი მითითება გაკეთდა აი ამ 12 პუნქტის შესრულებაზე. შესაბამისად, ევროკავშირს აქვს მოლოდინი იმისა, რომ საქართველოს ხელისუფლება გადადგამს ძალიან მნიშვნელოვან ნაბიჯებს 12 პუნქტისა და პირობის შესრულების მიმართულებით.

,,ქართული ოცნების“ მხრიდან ბევრი დამაზიანებელი ნაბიჯი გადაიდგა. ნებისმიერი პოზიტიური გადაწყვეტილება იქნება დიდწილად საქართველოს მოსახლეობის დამსახურება, რომელსაც აქვს ურყევი ნება და სურვილი იმისა, რომ საქართველო გახდეს დასავლური სამყაროს სრულუფლებიანი წევრი“, – განაცხადა ედუარდ მარიკაშვილმა.

ავტორი
ნინი ხიჯაკაძე