პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე ჟურნალისტებთან კომენტარს აკეთებს ოპოზიციის ინიციატივაზე, რომ რაჭაში მომხდარ სტიქიურ უბედურებასთან დაკავშირებით გამოძიების პროცესი დაიწყოს:
“ჩემდა სამწუხაროდ, უნდა ვაღიარო, რომ საქართველოში მოიძებნებიან ძალები, მათ შორის, პოლიტიკური, რომლისთვისაც დღეს, გამოძიების წარმოება და პოლიტიკური ხმალაობის ატეხვა უფრო მეტად მნიშვნელოვანი აღმოჩნდა, ვიდრე იქ სამძებრო სამუშაოების ეფექტიანობა და ამ სამუშაოების მიმდინარეობა. ეს სამწუხაროა, მაგრამ ასეა.
ეს ყველაფერი ჰგავს, მათ შორის, პირველივე დღეს გამართულ იმ მიტინგს. ეს არ ვარგა, უბრალოდ, ესე წინსწრებად რაღაცა ისეთი განცხადებების კეთება, რომელსაც აუდის ძალიან მყრალი სუნი პოლიტიკური ინტერესის და რაღაცა ქულების დაწერის მცდელობების.
აქედან გამომდინარე, ჩემი მოწოდება იქნებოდა, რომ პირველ რიგში, ყველა დააკვირდეს უბრალოდ სპეციალისტების შეფასებებს ამ საკითხების ირგვლივ, რა იქნება. იმის მიხედვით, რაც იქნება შეფასება, რასაკვირველია, გამოძიება იქნება საჭირო, – ჩატარდება გამოძიება. ეს ყველაფერი უნდა თქვას სპეციალისტთა ჯგუფმა, რომელიც შეისწავლის მომხდარ ინციდენტს. შესაბამისად, აქედან გახდება ყველაფერი ცნობილი“, – განაცხადა მიხეილ სარჯველაძემ.
ავტორი
ნინი ხიჯაკაძე
