“პასუხისმგებელი იმაზე, თუ რატომ არ გვყავს ვერტმფრენები, რატომ არ არის მობილიზებული ტექნიკა – არის საქართველოს ხელისუფლება” – სერგო ჩიხლაძემ

,,სტრატეგია აღმაშენებლის” პოლიტიკური საბჭოს წევრი, სერგო ჩიხლაძე ტვ ,,პირველის” ჟურნალისტთან კომენტარს აკეთებს რაჭაში მომხდარ ტრაგედიაზე პასუხისმგებლობის საკითხთან დაკავშირებით:

,,პასუხისმგებელი იმაზე, თუ რატომ არ გვყავს ვერტმფრენები, რატომ არ არის მობილიზებული ტექნიკა, რატომ სჭირდება 3 საათი დახმარების აღმოჩენას, რატომ სჭირდება 9 საათი მიცვალებულთა გადასვენებას და ა.შ., რა თქმა უნდა, არის საქართველოს ხელისუფლება და პირდაპირ პრემიერ-მინისტრი და ბატონი ღარიბაშვილი, რომელიც 11 წლის თავზეც კი არ ყიდულობს შესაბამის ტექნიკას, რომლის მთავრობაც, 11 წლის თავზე, ასობით მილიონებს ხარჯავს ჯიპების, ბოლო მოდელის მანქანების შესყიდვაში’’, – განაცხადა სერგო ჩიხლაძემ.

ავტორი
ნინი ხიჯაკაძე