საქართველოს პრემიერ-მინისტრი, ირაკლი ღარიბაშვილი ჟურნალისტებთან კომენტარს აკეთებს რაჭაში, შოვში მომხდარ ტრაგედიასთან დაკავშირებით. მისი განმარტებით, მაშველებთან ერთად პროცესში თავდაცვის ძალებიც ჩაერთვება:
,,210 ჩვენი მოქალაქე უვნებლად იქნა გამოყვანილი სტიქიის ზონიდან. პოლიციას, სამაშველო სამსახურს ჰქონდა მაქსიმალური მობილიზება და არცერთი ჩვენი მოქალაქე, რომელიც ჯერ კიდევ სტიქიის ზონაში რჩებოდა, არ იყო ყურადღების გარეშე დატოვებული.
ძალიან მძიმე ვითარებაა, სამწუხაროდ, 30-ზე მეტს კვლავაც ეძებენ.
მივიღე გადაწყვეტილება, რომ მაშველებთან ერთად ამ პროცესში ჩვენი ჯარი ჩაერთვება, თავდაცვის ძალები.
ჩვენ, ასევე, გვქონდა მსჯელობა, რომ დღეს და შაბათ-კვირას აქტიურად გააგრძელებენ მუშაობას. ჩვენი გადაწყვეტილებით, გლოვის დღე ორშაბათს გამოცხადდება.
ასეთი კატაკლიზმები, ტრაგედიები, სტიქიები ყველა ქვეყანაში ხდება. ყოველგვარი საუბარი იმის თაობაზე, რომ ამის არიდება შეიძლებოდა, მე მგონი, ძალიან არასერიოზულია“, – განაცხადა ირაკლი ღარიბაშვილმა.
ავტორი
ნინი ხიჯაკაძე
