“ჩვენ ნარკომომხმარებლებს უნდა შევხედოთ, როგორც ადამიანებს და არა ადამიანზე უფრო დაბლა მდგომ არსებებს” – იაგო ხვიჩია

საქართველოს პარლამენტის წევრი, პარტია ,,გირჩის“ ლიდერი, იაგო ხვიჩია ჟურნალისტებთან კომენტარს საქართველოში არსებულ ნარკოპოლიტიკასთან დაკავშირებით:

,,რეალიზატორები არიან სისტემასთან დაკავშირებული ადამიანები. სწორედ ამიტომ ვხედავთ პერმანენტულად სპექტაკლებს ხან ფონიჭალიდან, ხან საიდანღაც, ხან საიდანღაც, სადაც წინასწარ იცის ხელისუფლებამ, ვინ დაიჭიროს.

ციხეში არ უნდა იჯდეს ადამიანი, თუ ის სხვა ადამიანზე არ ძალადობს. ამ ლოგიკით, თუ ჩვენ შევხედავთ ნარკომომხმარებელს არა როგორც კრიმინალებს, არამედ როგორც პაციენტებს, საკუთარი ქმედებაც მორალურად გამართული იქნება და მთელ ამ პროცესში ნაკლებ ადამიანს დავხოცავთ.

პოლიტიკა უნდა იყოს ადამიანური. ჩვენ ნარკომომხმარებლებს უნდა შევხედოთ, როგორც ადამიანებს და არა ადამიანზე უფრო დაბლა მდგომ არსებებს’’, – განაცხადა იაგო ხვიჩიამ.

ავტორი
ნინი ხიჯაკაძე