“ეს არ არის პოლიციელი, ეს არის ჩვეულებრივი “ქართული ოცნების” ზონდერი” – პაატა მანჯგალაძე ბათუმში განვითარებულ მოვლენებსა და პოლიციის უფროსზე

საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე კომენტარს აკეთებს ბათუმში, რუსული საკრუიზო ლაინერის შემოსვლასთან დაკავშირებით გამართული საპროტესტო აქციებზე, პოლიციის დამოკიდებულებაზე მოქალაქეების მიმართ:

,,პატივცემული ბათუმის პოლიციის უფროსი, რომელიც ბრძანების იქით კიდევ ზედმიწევნით რაღაც თვითინიციატივებს იჩენდა, ფიზიკურად არბევდა და ეხებოდა ადამიანებს.

პირდაპირ ვიტყვი, ასეთი ადამიანების ადგილი პოლიციაში ნამდვილად არ არის.

ეს არ არის პოლიციელი, ეს არის ჩვეულებრივი,,ქართული ოცნების’’ ზონდერი. ის იცავს არა კანონს, არამედ იცავდა, ამ შემთხვევაში, რუსეთისა და ბიძინა ივანიშვილის ინტერესებს’’, – განაცხადა პაატა მანჯგალაძემ.

ავტორი
ნინი ხიჯაკაძე