“ტყუილია, როდესაც ხელისუფლება ამბობს, რომ ბათუმში გუშინდელი პროტესტი ხელს უშლის ტურიზმის განვითარებას” – გია ხუხაშვილი

ანალიტიკოსი გია ხუხაშვილი ბათუმში რუსი ტურისტების საწინააღმდეგო აქციის შეფასებისას კონკრეტულ განმარტებებს აკეთებს და ხელისუფლებას ტყუილში ადანაშაულებს:

“ტყუილია, როდესაც ხელისუფლება ამბობს, რომ ბათუმში გუშინდელი პროტესტი ხელს უშლის ტურიზმის განვითარებას.

სინამდვილეში პირიქითაა და აი რატომ:

როდესაც ევროპელი პოტენციური ტურისტი ხედავს ამ დამოკიდებულებას, მას უჩნდება საქართველოში მოგზაურობის დამატებითი სტიმული და გარკვეული სოლიდარობის გრძნობა. ისინი კი მეტსაც ხარჯავენ და არც უტიფრად იქცევიან.

ანუ, დღევანდელ არაორდინალურ ვითარებაში საქმე გვაქვს უფასო საინფორმაციო რეკლამასთან, რაშიც ქვეყნები უზარმაზარ თანხას ხარჯავენ“, – წერს ფეისბუქის პირად გვერდზე გია ხუხაშვილი.