პარლამენტის საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი კომენტარს აკეთებს საქართველოსთვის კანდიდატის სტატუსის მინიჭების პროცესთან დაკავშირებით. მისი განცხადებით, ქვეყანაში ძლიერი პროგრესი იგრძნობა, ხოლო დანარჩენი დამოკიდებულია პოლიტიკურ ნებაზე:
,,რამდენიმე დღის წინ იყო კონფერენცია, სადაც ევროკავშირის ელჩი ბრძანდებოდა, სხვა დიპლომატიური მისიების წარმომადგენლები, ელჩებიც, აგრეთვე, არასამთავრობო ორგანიზაციები და რა თქმა უნდა, საპარლამენტო ოპოზიციაც მოწვეული გვყავდა.
ჩვენ ვხედავთ, რომ მათ შორის, გარკვეული რიტორიკა საქართველოს მიმართ იცვლება. იმიტომ, რომ ის მავნე ნარატივი, რასაც ამკვიდრებდნენ პრაქტიკული, ასე ვთქვათ, ადგილზე გადამოწმებით, რეალურად ჩნდება, რომ საქართველო სულ სხვა განვითარების ეტაპზეა.
ეს ფსევდოლოზუნგები, რომლითაც მთელი ამ წლების განმავლობაში საქართველოს წინააღმდეგ ოპერირებდნენ, ჰაერში გამოკიდებულად დარჩა. ამ კონფერენციაზეც აღმოჩნდა, რომ საქართველოს ყველა მიმართულებით აქვს მართლაც ძლიერი პროგრესი. არა გარკვეული, არამედ ძლიერი პროგრესი.
ყველა ობიექტური მოცემულობა ისევე, როგორც ადრე, როცა არ მოგვანიჭეს კანდიდატობა და პერსპექტივა მოგავნიჭეს, მითუმეტეს, დღეს, საქართველოში არის სრული მზაობა იმისა, რომ კანდიდატის სტატუსი ამ წლის ბოლოსთვის მოგვანიჭოს. დანარჩენი, რომ იტყვიან, არის პოლიტიკურ ნებაზე დამოკიდებული”, – განაცხადა ირაკლი ქადაგიშვილმა.
ავტორი
ნინი ხიჯაკაძე
