ბიზნესის ადმინისტრირების დოქტორი, ეკონომიკის ექსპერტი ზურაბ მაღრაძე კონკრეტულ ფაქტებს იხსენებს და მიაჩნია, რომ რუსეთის დაშლა ახლოვდება, თუმცა მანამდე კიდევ იქნება ამ ქვეყნიდან წამოსული არასასიამოვნო სურპრიზები:
“ჯერ იყო და 5G ინტერნეტი ერს გაწყვიტავსო.
მერე იყო და არიქა ყარსის ხელშეკრულებას ვადა გასდის და აჭარას ვკარგავთო.
ლუგარის ლაბორატორიიდან თბილისს რომ მთელი ფედერაცია უნდა გაეწყვიტა, ეგეც დავიწყებას მიეცა.
მერე თქვეს აფხაზეთზე რკინიგზა გაგვყავსო.
მერე იყო და “3+3 ფორმატში” ერთად ვიქნებითო.
მერე იყო უცხოური აგენტების კანონი.
მერე მოყვა რუსული უნივერსიტეტიო…
მოკლედ, მოსკოვი რომ წერასაა ატანილი, მაგას დიდი ხნის წინ გიამბობდით. ავი მუსაიფი რომ დაუდგებოდათ დარიალის კარს იქით, ეგეც ნათქვამი მაქვს, წლების წინ.
ჰოდა, იცოდეთ რომ მოსკოვიდან “დიდი პროექტები” კიდევ იქნება.
მაგრამ, გეოპოლიტიკის ღმერთები შვებულებაში არავის ეგონოს.
საბჭოთა კავშირი როცა იშლებოდა, წინა დღეებში დიდი პროექტი დაანიცირეს კრემლში. პროექტის მიხედვით მდინარე ლენას კალაპოტი უნდა შეეცვალათ და სამხრეთით მიემართათ, არალის ზღვა რომ არ დამშრალიყო. საბჭოთა კავშირი დაიშალა. მდინარე ლენა ისევ თავის კალაპოტშია.
კიდევ ერთი დაშლის დრო ახლოვდება და ლიბერალური წესრიგისთვის მოემზადეთ. ფსონი არ შეგეშალოთ ჩემო ყველავ“, – წერს ფეისბუქის პირად გვერდზე ზურაბ მაღრაძე.
