თბილისში ქართულ-რუსული უნივერსიტეტი გაიხსნება, რუსული მხარის დაფინანსებითა და კადრების შერჩევით. თემასთან დაკავშირებით ჟურნალისტების შეკითხვებს უპასუხა პარლამენტის აგრარულ საკითხთა კომიტეტის თავმჯდომარემ, ნინო წილოსანმა:
,,თუ საგანმანათლებლო ინსტიტუციების დაფუძნება გაინტერესებთ, არაერთი ევროპული, ამერიკული ინსტიტუტი და უნივერსიტეტი დაარსებულა. არ მახსოვს, რომ ამ თემაზე რაიმე კითხვა დაგესვათ.
არაფერი და ვერაფერი ვერ დაადასტურებს რუსულ ექსპანსიას საქართველოში.
ყველას დეკლარირებული გვაქვს ანტირუსული და პროდასავლური, ასე ვთქვათ, პოლიტიკა. ამიტომ ამ თემაზე საუბარი ერთად-ერთი ემსახურება იმას, რომ დათესოთ რაღაცა პანიკა და აჟიოტაჟი გამოიწვიოთ საზოგადოებაში“, – განაცხადა ნინო წილოსანმა.
ავტორი
ნინი ხიჯაკაძე
