“ჩანაწერი არის, რომ თურმე ამ ევროპარლამენტარებს საქართველოს წინააღმდეგ ტექსტებს უწერდნენ – კუბილიუსებს, ფოტიგებს, ქალბატონ რასას და ა.შ.” – ირაკლი ზარქუა

პარლამენტის საფინანსო საბიუჯეტო კომიტეტის თავმჯდომარის მოადგილე, ირაკლი ზარქუა კომენტარს აკეთებს ,,ფარას” კანონის საფუძველზე გასაჯაროვებულ ინფორმაციაზე, კონკრეტული ლობისტური კომპანიების შესახებ და აცხადებს, რომ სწორედ ისინი იღებდნენ თანხას საქართველოს მე-3 პრეზიდენტის ოჯახისგან, რომ ქვეყნის საწინააღმდეგო განცხადებები გაევრცელებინათ ევროპარლამენტარების მეშვეობით:

,,წინა კვირას რა გამოჩნდა? – გამოჩნდა, რომ ზუსტად, სწორედ ის კანონი, რომელსაც შემდეგ რუსული დაარქვეს, ეს არის ,,ფარას” კანონი, რომლის უფრო შემსუბუქებული ვარიანტი გვინდოდა გადმოგვეღო საქართველოში.

სწორედ მან [ფარამ] ამხილა მორიგ ჯერზე, სადაც ჩანაწერი არის, რომ თურმე ამ ევროპარლამენტარებს საქართველოს წინააღმდეგ ტექსტებს უწერდნენ – კუბილიუსებს, ფოტიგებს, ქალბატონ რასას და ა.შ.

ყველას უწერდა ეს ლობისტური კომპანიები, რომლებიც მილიონობით ფულს იღებდნენ სააკაშვილის ოჯახისგან. კიდევ ერთხელ მოხდა ამათი ლუსტრაცია”, – განაცხადა ირაკლი ზარქუამ.

ავტორი
ნინი ხიჯაკაძე