ისტორიის მეცნიერებათა დოქტორი, ბუბა კუდავა, თურქეთში ქალაქ იუსუფელის წყლით დატბორვის გამო ქართული სიწმინდეების, კერძოდ ტაოს კავკასიძეების ციხის ეკლესიის წყალქვეშ აღმოჩენასთან დაკავშირებით, გულისტკივილით აღსავსე ემოციურ შეფასებებს აკეთებს:
“მწუხარება თუ ასე სასწაულად ლამაზი იქნებოდა, ვერასოდეს წარმოვიდგენდი.
თავი სიზმარში მეგონა და გამოღვიძება არ მინდოდა.
არ ვიცი, სიტყვებით როგორ უნდა გადმოვცე, რასაც ამ მწვანედ განათებულ ტაძარში ლივლივისას ვგრძნობდი.
კარი აღარაა და მხოლოდ სარკმლებიანია ეკლესია. და ტაძარშიც სარკმლიდან შეცურდები…
ცურვა ეკლესიაში… ღმერთო ჩემო…
დიდი ტკივილი და დიდი სიხარული ერთად. საოცრება, თუ რამ მინახავს წუთისოფელში, ეს იყო.
იქნებ დროდადრო, ზამთრობით, წყალმცირობისას გამოჩნდეს ხოლმე…
ტაძარმა იქნებ კვლავ გაძლოს. მხატვრობავ და წარწერებო – მშვიდობით.
მშვიდობით, ტაო, კავკასიძეების ციხის ეკლესია❤️“, – წერს ფეისბუქის პირად გვერდზე ბუბა კუდავა.
