საქართველოს მე-3 პრეზიდენტთან კლინიკა ,,ვივამედში” პოლონელი ექიმების ვიზიტსა და კლინიკაში მომხდარ ინციდენტთან დაკავშირებით ჟურნალისტებთან კომენტარს აკეთებს მიხეილ სააკაშვილის დედა, გიული ალასანია:
,,არავითარი კონტაქტი მე იმ ადამიანებთან არ მქონია. თუმცა, ძალიან მადლობელი ვარ, რომ ჩამოვიდნენ. დანარჩენი, მე არაფერი არ ვიცი.
ალბათ, გაკეთდება რაღაც კომენტარი. გამომდინარე იმ ინტერესიდან, რომელიც არის ამ ადამიანის მიმართ, დღეს, დასავალეთში – ყოველ შემთხვევაში ძალიან დიდი ინტერესი აქვთ, ალბათ, ყველაფერი გაირკვევა. ასე დამალული ვერ დარჩება დიდხანს. მე ასე მგონია.
არ ვიცი ჩემკენ რატომ იშვერენ თითს. იმიტომ, რომ მე არცერთ დონეზე არ ვყოფილვარ. ერთადერთი, თანხმობას ვაძლევდი ხოლმე, რომ თანახმა ვარ და ძალიანაც მივესალმები”, – განაცხადა გიული ალასანიამ.
ინფორმაციისთვის: იუსტიციის სამინისტროს მიერ გავრცელებული ინფორმაციით ერთ-ერთ პოლონელ ექიმს მიხეილ სააკაშვილის პალატიდან გამოსვლის შემდეგ შემოწმებისას აღმოუჩინეს კონკრეტული ნივთიერება. უწყების განმარტებით ეს იყო მიხეილ სააკაშვილისგან აღებული ნიმუში.
ავტორი
ნინი ხიჯაკაძე
