პოლონელი ექიმები საქართველოს მე-3 პრეზიდენტთან კლინიკა ,,ვივამედში” შევიდნენ. პარალელურად, სპეციალური პენიტენციური სამსახურის სამედიცინო დეპარტამენტის ხელმძღვანელის, მალხაზ ურთმელიძის მხრიდან გაკეთდა კონკრეტული შეფასებები. აღნიშნულთან დაკავშირებით კომენტარს აკეთებს მიხეილ სააკაშვილის დედა, გიული ალასანია:
,,გამოირკვა, რომ ის ექიმები ისევ დასაბრუნებლები არიან. ამიტომ მე ისევ გამომისტუმრეს და იმედია, რომ ახლა ისინი შევლენ.
რაც შეეხება ჯანმრთელობას და მის მშვენივრად ყოფნას – მე ვერავითარ შემთხვევაში ვერ ვიზიარებ იმიტომ, რომ ჯერ მარტო გუშინდელი დღე იყო ისეთი, ადამიანი მთელი დღე გადაკიდებული იყო ტაშტზე და მთელი დღის განმავლობაში არაფერი მიუღია.
[ჟურნალისტის შეკითხვა]: – წონაში მატება დაიწყოო, ურთმელიძე აცხადებს.
1 კილო მოუმატია, კი ბატონო, ეს თუ რამეს ნიშნავს ამ სიმაღლე ადამიანისთვის, რავიცი, რა გითხრათ?!
ეს ექიმებიც, ალბათ, თავის დასკვნას დაწერენ. ჩემი აზრით, ამ ადამიანის ჯანმრთელობაზე ძალიან ადრეა ლაპარაკი, მაგრამ ექიმები ესენი არიან, უნდა ვენდოთ”, – განაცხადა გიული ალასანიამ
ინფორმაციისთვის: სპეციალური პენიტენციური სამსახურის სამედიცინო დეპარტამენტის ხელმძღვანელი, მალხაზ ურთმელიძე კლინიკა ,,ვივამედთან” ჟურნალისტებს შეკითხვებს პასუხობს საქართველოს მე-3 პრეზიდენტის ჯანმრთელობის მდგომარეობასთან დაკავშირებით:
,,უკეთესად არის გაცილებით.
[ჟურნალისტის შეკითხვა]: კვლავ იკლებს წონაში? – მატულობს ბატონო, მატულობს.
როცა ჭამს, საკვებს იღებს ნორმალურად – მატულობს და არის ხოლმე კარგად. თუ არ შეჭამს, ხდება ცუდად.
[ტვ პირველის ჟურნალისტის ჩაკითხვა]: მალე აბრუნებთ ციხეში?
კარგად რომ იქნება წავიყვანთ, აბა რას ვიზამთ?!”, – განაცხადა მალხაზ ურთმელიძემ.
ავტორი
ნინი ხიჯაკაძე
