შინაგან საქმეთა სამინისტროს თანამშრომელი, გოგა რაზმაძე სოციალურ ქსელში გამოქვეყნებულ პოსტში წერს – ,,მას შემდეგ, რაც შინაგან საქმეთა სამინისტროში გავიარე ყველა ეტაპი და არაერთი მცდელობის მიუხედავად, სამართალი ვერ ვიპოვე, გადავწყვიტე საჯაროდ ვისაუბრო სამინისტროში არსებულ პრობლემებსა და ჩემს მიმართ გამოვლენილ ღირსების შემლახველ დამოკიდებულებაზე. მიმაჩნია, რომ მოცემულ სიტუაციაში საჯაროობა არის თავის დაცვის ერთადერთი შესაძლებლობა და დეპარტამენტის გადარჩენის ერთადერთი შანსი”.
თემასთან დაკავშირებით ჟურნალისტებთან კომენტარს აკეთებს ყოფილი სახელმწიფო ინსპექტორი, ლონდა თოლორაია:
,,ერთადერთი ორგანო, რომლის წინაშეც გენერალური პროკურორი ამ წლების განმავლობაში, ისიც კანონის დარღვევით, წარადგენდა თავის საქმიანობის ანგარიშებს, ეს იყო საპროკურორო საბჭო.
საპროკურორო საბჭო დაკომპლექტებულია ისეთი ადამიანებით, სადაც არ ისმის არავითარი კრიტიკული მოსაზრება, განსხვავებული აზრი. ეს საბჭოს სხდომებიც, თითქმის ყოველთვის, მიმდინარეობს რაღაცა ოვაციების ფონზე.
შესაბამისად, მივიღეთ პროკურატურა, რომელიც არის უკონტროლო, ყოველგვარი ზედამხედველობის გარეშე და ასეთი ტიპის პროკურატურები, ზოგადად, არის ძალიან საშიში ქვეყნის დემოკრატიული განვითარებისთვის, ადამიანის უფლებებისთვის, ყველა სახელმწიფო უწყებისთვის, მათ შორის, სასამართლო კორპუსისთვისაც”, – განაცხადა ლონდა თოლორაიამ.
ავტორი
ნინი ხიჯაკაძე
