პარტია ,,ქართული ოცნების” თავმჯდომარე, ირაკლი კობახიძე ვილნიუსში გამართული NATO-ს სამიტის მიმდინარეობას აფასებს და აცხადებს, რომ ამ ეტაპზე კვლავ არ კონკრეტდება საქართველო და უკრაინა როდის და როგორ გაწევრიანდება ჩრდილოატლანტიკურ კავშირში:
,,სტატუს-კვო არ შეცვლილა, როგორც გუშინ არ იცოდა არავინ კონკრეტულად როდის და როგორ გახდებიან საქართველო და უკრაინა NATO-ს წევრები, ანალოგიური ვითარებაა გუშინდელი კომუნიკეს შემდეგაც.
ანუ სტატუს-კვო შენარჩუნდა. ძალაში რჩება არსებითად ბუქარესტის სამიტის გადაწყვეტილება იმის თაობაზე, რომ ორივე ქვეყანა აუცილებლად გახდება NATO-ს წევრი.
თუმცა, ამის მიღმა გუშინ არ იყო არავითარი კონკრეტიკა, რაც გასაგებიც არის. პირდაპირ აისახა დამოკიდებულება ამ დოკუმენტში, მათ შორის, რუსეთთან მიმართებით NATO-ს აქვს პრაგმატული პოლიტიკა.
წინსვლა არ აქვს არც საქართველოს, არც უკრაინას. შესაბამისად, ჩვენ წისვლაზე არ გვაქვს საუბარი.
მთავარი პრობლემა რა არის – როდის და როგორ? ამაზე პასუხი არ არსებობს. როგორც არ არსებობდა გუშინდლამდე, ასევე, არ არსებობს გუშინდელის შემდეგაც”, – განაცხადა ირაკლი კობახიძემ.
ავტორი
ნინი ხიჯაკაძე
