“თანამშრომლობის ხარისხი იქითკენ უნდა იყოს მიმართული, რომ საქართველო არა საფრთხის წინაშე დადგეს, არამედ გადარჩეს და შეინარჩუნოს სტაბილური განვითარების პერსპექტივა” – გიორგი ვოლსკი საქართველოს NATO-ში ინტეგრაციის პროცესთან დაკავშირებით

პარლამენტის პირველი ვიცე-სპიკერი, გიორგი ვოლსკი პოლიტიკურ შეფასებას აკეთებს საქართველოს NATO-ში ინტეგრაციის პროცესთან დაკავშირებით. მისი განცხადებით, არსებობს ერთი პრობლემა, რასაც ეწოდება გეოგრაფიული დაშორება ევროკავშირის ფორმატისგან:

,,NATO-ს სტანდარტთან დაკავშირებით, ძალიან ბევრ ევროკავშირის, თუნდაც NATO-ს წევრ ქვეყანას შეიძლება საქართველო უსწრებდეს, როდესაც ჩვენ მონაწილეობაზეა ლაპარაკი სამხედრო ოპერაციებში, ან ჯარის მომზადების თემაზე, თუნდაც პოლიტიკური განვითარების საკითხებთან დაკავშირებით.

ერთი სერიოზული პრობლემა არის, რასაც ჰქვია ქვეყნის გეოგრაფიული დაცილება ევროკავშირის ფორმატიდან, საზღვრებიდან. საქართველო იდგა NATO-ს გვერდით, მის მხარდამხარ იბრძოდა საკმაოდ სერიოზულ ცხელ წერტილებში და ეს არის მისი არჩეული პოლიტიკა.

მე ვფიქრობ, რომ თანამშრომლობის ხარისხი სწორედ იქითკენ უნდა იყოს მიმართული, რომ საქართველო არა საფრთხის წინაშე დადგეს – ეკონომიკური თუ ფიზიკური ნგრევის, არამედ გადარჩეს და შეინარჩუნოს სტაბილური განვითარების პერსპექტივა”, – განაცხადა გიორგი ვოლსკიმ.

ავტორი
ნინი ხიჯაკაძე