დღეს, ,,პრაიდის ფესტივალის” ღონისძიება მიმდინარეობდა, სადაც კონტრაქციის მონაწილეებმა მთლიანი ტერიტორია დაიკავე, პოლიციის კორდონები გაარღვიეს და სიტუაცია გამწვავდა. მომხდარ ფაქტთან დაკავშირებით ჟურნალისტებთან კომენტარი და განმარტებები გააკეთა საქართველოს შინაგან საქმეთა მინისტრის მოადგილემ, ალექსანდრე დარახველიძემ:
,,დილიდან, შსს-ს შესაბამისი დანაყოფები ადგილზე იყო მობილიზებული. აქ იყო შესაბამისი დანაყოფი, როგორიც არის განსაკუთრებულ დავალებათა დეპარტამენტი, ქალაქ თბილის პოლიცია, საპატრულო პოლიცია – ყველა ის დანაყოფი, რომელსაც ჰქონდა უფლება-მოსილება, რომ განეხორციელებინა თავისი მანდატი.
თუმცა, თქვენ კარგად ნახეთ, რომ მოვიდა საკმაოდ დიდი რაოდენობა კონტრაქციის მონაწილეების, ჩვენ გვქონდა შესაბამისი კორდონები გაკეთებული გზებზე.
ეს იყო გაშლილი ტერიტორია. აქციის მონაწილეებმა მოახერხეს, რომ შემოვლითი გზებით შემოეღწიათ და გაერღვიათ პოლიციის კორდონები. თუმცა, ჩვენ მოვახერხეთ ის, რომ ,,პრაიდის” ღონისძიების ორგანიზატორები და მონაწილეები, ვინც ადგილზე იყვნენ, ისინი უსაფრთხოდ გავიყვანეთ ტერიტორიიდან. არანაირი დაზიანება მათ არ მიუღიათ.
ამჟამად პოლიცია ახორციელებს შესაბამის საპოლიციო ღონისძიებებს იმისათვის, რომ მოხდეს სიტუაციის სტაბილიზება და არ მოხდეს რაიმე ტიპის თავდასხმები კონკრეტულ პირებზე”, – განაცხადა ალექსანდრე დარახველიძემ.
ავტორი
ნინი ხიჯაკაძე
