“როცა ჩადიხარ ასეთი კრიმინალური წარსულის მქონე პარტიის, თუნდაც, ფორმალური თავმჯდომარე, რატომ უნდა იყოს გასაკვირი, რომ საზოგადოება ვარდებით არ შეგხვდება” – გურამ მაჭარაშვილი

საგარეჯოში მომხდარ დაპირისპირებასთან დაკავშირებით პოლიტიკურ შეფასებას აკეთებს საპარლამენტო ჯგუფის, ,,ხალხის ძალის” წევრი, გურამ მაჭარაშვილი:

,,საზოგადოების რეაქცია რაც არის, ამას ყველა ხედავს. ძალადობას, კიდევ ერთხელ ვიმეორებ, რა თქმა უნდა, ყველა მხრიდან ჩვენ ვგმობთ, ვისი მხრიდანაც არ უნდა იყოს.

ის რეაქციები, რაც არის საზოგადოებაში, როცა ჩადიხარ, რომ იტყვიან – ასეთი კრიმინალური წარსულის მქონე პარტიის, თუნდაც, ფორმალური თავმჯდომარე, რომელსაც აღებული აქვს თავის თავზე უამრავი დანაშაული, ამავდროულად, ბოდიში არ აქვს მოხდილი არავისთან – რატომ უნდა იყოს გასაკვირი, რომ საზოგადოება ვარდებით არ შეგხვდება.

ძალადობა სხვა რამეა, მე ვგმობ, მაგრამ ის, რომ პროტესტი გამოხატოს საზოგადოებამ ამა თუ იმ პოლიტიკოსის მიმართ, ეს მათი უფლებაა”, – განაცხადა გურამ მაჭარაშვილმა.

ინფორმაციისთვის: დღეს, ,,ნაციონალური მოძრაობის” წარმომადგენლები საგარეჯოში მოსახლეობასთან შესახვედრად ჩავიდნენ, თუმცა, მოქალაქეების კონკრეტული ნაწილი, მათ ფიზიკურად დაუპირისპირდა.

ავტორი
ნინი ხიჯაკაძე