“ეს გადაწყვეტილება საქართველოსა და უკრაინას შორის მეგობრობას არ ემსახურება” – არჩილ თალაკვაძე ვოლოდიმირ ზელენსკის განცხადებაზე

უკრაინის პრეზიდენტის, ვოლოდიმირ ზელენსკის განცხადებას მიხეილ სააკაშვილთან მიმართებაში და უკრაინაში საქართველოს ელჩისთვის 48-საათიანი ვადის მიცემასთან დაკავშირებით, თბილისში შესაბამისი კონსულტაციებისთვის დასაბრუნებლად, კრიტიკულად აფასებს საქართველოს პარლამენტის თავმჯდომარის მოადგილე, არჩილ თალაკვაძე:

,,ეს გადაწყვეტილება საქართველოსა და უკრაინას შორის მეგობრობას არ ემსახურება და ვიტყოდი, არ არის სამართლიანი. თუმცა, ეს ჩრდილს ვერ მიაყენებს და ვერ შეასუსტებს საქართველოს მხარდაჭერას უკრაინელი ხალხისა და უკრაინის მიმართ.

დღეს, თუ ვინმეს რეალურად აინტერესებს სააკაშვილის ჯანმრთელობის მდგომარეობა და მისი გაუმჯობესება, მთავარი ყურადღება უნდა გაამახვილოს იმაზე, რომ მიხეილ სააკაშვილმა სრულფასოვნად შეასრულოს ექიმების დანიშნულება და რეკომენდაციები. ასევე, აღადგინოს სრულფასოვანი კვება“, – განაცხადა არჩილ თალაკვაძემ.

ავტორი
ნინი ხიჯაკაძე